Grand-mère
Oté grand-mère chante enkor pou moin ti flèr fané
Raconte a moin ton misèr
Dan’ temps ke toué l’avé poin manzé
Mi rappelle enkor, quand té arrive l’aurore
Coq été out’ réveil, cette la mienne té l’odèr café
Z ‘orchidée té embaume la kour
Comme flèr mangue dan’ vergé
Dan ton rêv’ l’avé l’amour, dan ton zié l’avé l’amitié
Un bertel si ton z’épaule pou nou mont’ l’habitation
Quand la pli i tomb’ si la tol, i fé mont’ mon sentiment
Dan’ silence la nuit’, la brise la pou caresse mon visage
Mais tout ça lé kom’ un l’éclipse, la pou noirci mon paysage
Quant té arrive zour l’an, un p’ti liqueur Marry Brizzard
En compagnie d’un paté créole la not’ tout’ té raconte z’istwar
Na une fois ou la pléré, parce que grand-père té ve tape a ou
Mi rappelle enkor tout ça la mémé, ce soir là grand-père l’été saoul
Oté ti frère di la vieille di le vié arrête pléré
Trop tard ti frère, grand-mère la fin’ ferme lo zié
Quand mi regarde l’horizon, quand mon zié lé couleur flamboyant
A mi di que Noël i sa arrivé, jour l’an tout’ suite derrière
Et nou ça commence un l’année en l’absence de not’ mémère
Aujourdui moin va crié, et pardon si mi plère
Quand ou té réfléchi longtemps
Ou té di dan’ ton tête souvenir la pou remonte courant
Mi laisse la porte derrière ouvert
Au cas ou si un jour ou ve artourné
Mais ou ki lé not’ mémère di a li chante enkor pou moin ti flèr fané
Trop tard ti frèr’ grand-mère la fini allé.